منتديات تونس الترفيهية
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه

منتديات تونس الترفيهية


 
الرئيسيةاليوميةس .و .جبحـثالأعضاءالمجموعاتالتسجيلدخول
قال رسول(من صام رمضان إيمانا واحتسابا،غُفر له ما تقدم من ذنبه)

شاطر | 
 

 للشاعر المصرى احمد الهمامى

اذهب الى الأسفل 
كاتب الموضوعرسالة
makram
عضو جديد
عضو جديد


عدد المساهمات : 1
نقاط : 16183
السٌّمعَة : 10
تاريخ التسجيل : 05/01/2010

مُساهمةموضوع: للشاعر المصرى احمد الهمامى   الثلاثاء يناير 05, 2010 9:26 pm

رباعيات الشاعر المصرى – احمد الهمامى
ولو انتهيت ومشيت وصــــــــــبحت كـــلمه ع الــــورق
هتفضل آهــــــــاتي سنـين للفاســـــــــدين تعــــــمل قلق
أنا الحقيقه وكلامي عـــــمره ماهينتـــــهي بمـــــــــوتي
وصوتي اللي مكتوم في الحياه بالموت هيصرخ عالملأ


وآه
* * *
امتى هيــيجي اليـوم واتلفّ بالكفن في تابــــــــوت
يمكن سنين يمــكن ثواني بس المؤكد هـــــــــموت
أوصيك ياولدي لو جه الأجل إياك تبـكي عــــــــليا
ولا عايز عزا ولا لطم أنا نفسي أموت في سـكوت
وآه
* * *
أسد عــجوز عايش وحيد منبـوذ
عيان هزيل الجسد وكله فيا يجوز
ماعـــــدش ليا وأنا الملك سلطــان
وماعدش نفسي غير بالموت أفوز
وآه
* * *
أسد وفيل وغراب وحـــــــوت وقـــرش
حيوان وطير وسمـــك ما يسـووا قرش
في غابه خطفوني وحبسوني في قـفص
وصرت فرجــــــــــه للـي يـدفع قــــرش
وآه
* * *
رباعيات الشاعر المصرى – احمد الهمامى
إزاي تآمن يـــــــــــابن بــــلــدي عـــــدوك
عدو جـــــــــــدك وأخـوك وأبـــوك وأمـــك
تطبيع دا إيـــــــه يتنــــــــــــــيلوا بنــــــيله
يا عربي أحضن أخـوك وبلاش ولاد عـمك
وآه

قالوا الفـــتن في الأرض كـــل يوم بتــزيد
إيشي طائفي وإيشـي عنصري وبإيه يفـيد
ديني أو لوني أو نوعي ما دمت أنا إنسان
ولا نسيتوا ياخــــــــــلق إننا كلنا عـــــــبيد
وآه
* * *
سجين كفيف في زنزانه عتمه وحـر نـــــار
محكوم عليه يقضي باقي عمره في الانتظار
بصيص أمــــــــل جاي من بعيد ماشـــفوش
عماه ويأسه رمـــــــــاه في حضن الانــتحار
وآه
حياتي بطريقتي هكمل واعيشـــها
ولو حتى كانت صعبه في معـيشــها
طريقـي ودربي لا يمــــكــن هســيبه
ولو خـوفوني بـــــــدولـه وجيـــشها
وآه
حرية الرأى مكفولة من زمان فى كل كتاب ودين
والأمر شورى مــن أيـــــام محمد آخر المرسلين
يعنى أنا أتشجع أقول كل اللى جوايــا ولا أخــاف
من المحاضر والقضـايا والحبس ويـــا المجرمين
وآه
رباعيات الشاعر المصرى – احمد الهمامى
عجبتني حته مـحاره حَدَفِتها موجـــــــــه
مرسوم عليها نقـوش ورقبِتها عُــــــوجَه
مديت إيديا ومسكتها في كـف إيـــــــــدي
وأتاريه مــذكر وكان فاكر إيديا الزُّوجــه
وآه
يا رب بـــــــــارك ليــا في القليـــــل
واشفيني مــــــن دائي دا أنا عــليل
يارب انـــــت أعــــــــــلــم بيــا مني
وفوق كتــافى ملاكين حسـاب بتكيل
وآه
زيطه وزمـبليطه وكلاكسات وزغاريت ورقــص
مسرح وزفه وعــــــــــــوالم ومغنى وطـــــقــس
ليلتك ياعـــــــــروسه بهجه لكــــل المعـــزومين
والكل فرحـــــــــــــــان ما عـدا هذا الشــــخـص
وآه

فيه ناس تقول نعيش في الدنيا يسر
وناس تقول نعيش نموت هي عسر
ولا حد قال أبدًا إنهـــــا بين الــبنين
يسر مع عسر ورابط ما بينهم جسر
وآه

اعمل حســــــابك يا ابني بكـــره جاي
والله أعلـــــــــم هبقي ميــــت ولا حي
وإن كنت فاكرني هدوملك تبقى واهـم
الله يعيــــــنك عالحياه وماتقولـــش أي
وآه

أنا ســاعه واقفــــــه مش بلـــــف وأدور
وكل عــــقرب صبح عاجز عايزله موتور
حتـــــى الحـــجر خف وجف أيه الحــكاية
قـامت قيــــــــامتي ولا لسه جــاي الدور
وآه

أنا قــــــلت آه لما رأيتـــــــــــــك يا جــــــدع
ملــــيح وزين وآيـــــه في الجـمال والـــبدع
سبــحانه من ســــــــواك أرق من النـــسيم
وبــــــقيت أخاف لتغيب وأسأل عليك الودع
وآه
سمـــــعت صـــوتك يا حبيبتي بكيت
كأنه حلم طـــويل ومنه صــــــــحيت
معقول بجد أنا بقـــــــيت بـــــابــــــا
وهضمك في حضني زي ما اتمـنيت
وآه
رباعيات الشاعر المصرى – احمد الهمامى

ليه إيديا مش لاقيه إيد تتــمد ليــــــــــــــها
ليه عينيا مش شايفه عـــين تحــــــس بيها
مع إني فوق الأرض ووسط البشر موجود
ولا أنا اندفنــــــت ومش عايـــش لسه فيها
وآه
ورق بــــــرق خــرق شرق ســرق
مالك يا حــــرف القاف عامـل قلق
لازم تغيـــر اسمــــــك نطقك تقيـــل
ريحني أحسن هاقتلك وأقول غرق
وآه

رباعيات الشاعر المصرى – احمد الهمامى
للمزيد من رباعيات الشاعر المصرى –احمد الهمامى بموقع:.
Ww w. robaeyat .com
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
للشاعر المصرى احمد الهمامى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات تونس الترفيهية :: المنتدى الاداري :: منتدى الإهداءات والتراحيب-
انتقل الى: